امت نیوز ڈیسک //
کولگام، 07 مئی: جنوبی کشمیر کے ضلع کولگام کے قیموہ علاقے کے سبحان پورہ میں جمعرات کی صبح قومی شاہراہ کے کنارے ایک شخص مردہ حالت میں پایا گیا۔
اطلاعات کے مطابق مقامی لوگوں نے شاہراہ کے قریب لاش دیکھی جس کے بعد پولیس فوری طور پر موقع پر پہنچی۔
پولیس حکام نے بتایا کہ ابتدائی طور پر یہ معاملہ ہٹ اینڈ رن کا معلوم ہوتا ہے، تاہم موت کی اصل وجہ اور متوفی کی شناخت ابھی تک نہیں ہو سکی ہے۔
پولیس نے لاش کو قانونی و طبی کارروائی کے لیے منتقل کر دیا ہے جبکہ واقعے کی مزید تحقیقات جاری ہیں۔
