امت نیوز ڈیسک //
امریکی صدر ڈونلڈ ٹرمپ کا کہنا ہے کہ میرے نمائندے اسلام آباد جا رہے ہیں ۔
امریکی صدر ٹرمپ نے سوشل میڈیا پر بیان میں کہا کہ ایران نے کل آبنائے ہرمز میں فائرنگ کرنے کا فیصلہ کیا،جو ہمارے جنگ بندی معاہدے کی کھلی خلاف ورزی ہے۔ان میں سے ایک فرانسیسی اور ایک برطانیہ کا مال بردار جہاز تھا۔
امریکی صدر نے کہا کہ میرے نمائندے اسلام آباد جا رہے ہیں۔وہ کل شام وہاں مذاکرات کے لیے پہنچیں گے۔ ایران نے حال ہی میں اعلان کیا ہے کہ وہ آبنائے کو بند کر رہا ہے، جو عجیب بات ہے، کیونکہ ہماری ناکہ بندی پہلے ہی اسے بند کر چکی ہے۔ وہ انجانے میں ہماری مدد کر رہے ہیں، اور اس بندش سے نقصان بھی انہی کا ہے ،روزانہ 500 ملین ڈالر۔
امریکی صدر ٹرمپ نے کہا کہ امریکہ کو کوئی نقصان نہیں ہو رہا۔ درحقیقت، اس وقت بہت سے جہاز امریکہ کی طرف جا رہے ہیں، ٹیکساس، لوزیانا اور الاسکا — تاکہ وہاں سے سامان لوڈ کریں۔
ٹرمپ نے کہا کہ ہم ایک نہایت منصفانہ اور مناسب معاہدہ پیش کر رہے ہیں، اور مجھے امید ہے کہ وہ اسے قبول کریں گے، کیونکہ اگر انہوں نے ایسا نہ کیا تو امریکہ ایران کے ہر پاور پلانٹ اور ہر پل کو تباہ کر دے گا۔
امریکی صدر ٹرمپ نے مزید کہا کہ اب مزید نرمی نہیں برتی جائے گی، وہ جلدی جھک جائیں گے، آسانی سے جھک جائیں گے، اور اگر انہوں نے معاہدہ قبول نہ کیا تو جو کرنا ضروری ہے وہ کرنا میرے لیے اعزاز ہوگا — جو گزشتہ 47 سالوں میں دوسرے صدور کو کرنا چاہیے تھا۔
ٹرمپ کا کہنا تھا کہ اب وقت آ گیا ہے کہ ایران کی “جنگی مشین” کا خاتمہ کیا جائے۔
