امت نیوز ڈیسک //
سرینگر، 30 جون: وادی کشمیر میں جاری شدید گرمی کی لہر کے پیش نظر ڈائریکٹوریٹ آف اسکول ایجوکیشن کشمیر نے کشمیر ڈویژن کے تمام اسکولوں کے لیے موسمِ گرما کی تعطیلات کا اعلان کر دیا ہے۔
ڈائریکٹر اسکول ایجوکیشن کشمیر، نذیر احمد وانی نے بتایا کہ تعطیلات 6 جولائی سے 19 جولائی 2026 تک ہوں گی، جن میں دونوں تاریخیں شامل ہیں۔
انہوں نے کہا کہ یہ فیصلہ وادی میں معمول سے زیادہ درجۂ حرارت کے باعث کیا گیا ہے، کیونکہ گزشتہ چند دنوں سے والدین اور طلبہ کی جانب سے بھی گرمی کی شدت کے پیش نظر موسمِ گرما کی تعطیلات کا مطالبہ کیا جا رہا تھا۔
یہ حکم کشمیر ڈویژن کے تمام سرکاری اور تسلیم شدہ نجی اسکولوں پر یکساں طور پر نافذ ہوگا۔
