امت نیوز ڈیسک //
سری نگر، 6 جولائی: وزیرِ اعلیٰ نے آج جموں و کشمیر کے مٹن ڈیلرز کے ایک وفد سے ملاقات کی، جس نے پنجاب کے راستے مویشیوں کی نقل و حمل کے دوران پیش آنے والی مشکلات سے انہیں آگاہ کیا۔
وزیرِ اعلیٰ نے وفد کو یقین دلایا کہ حکومت اس مسئلے کے حل کے لیے پوری طرح پُرعزم ہے اور مویشیوں کی نقل و حمل میں حائل تمام رکاوٹوں کو دور کیا جائے گا۔
انہوں نے بتایا کہ حکومتِ جموں و کشمیر کا ایک اعلیٰ سطحی وفد آئندہ چند روز میں پنجاب کا دورہ کرے گا، جہاں متعلقہ حکام کے ساتھ بات چیت کرکے اس مسئلے کا جلد اور خوش اسلوبی سے حل نکالنے کی کوشش کی جائے گی۔
