امت نیوز ڈیسک //
سری نگر: جموں و کشمیر کے وزیر اعلیٰ کے مشیر نصیر اسلم وانی کو کابینہ وزیر کے رتبے اور حیثیت سے نوازا گیا ہے۔ اس سلسلے میں حکومت کی جانب سے منگل کو ایک باضابطہ حکم نامہ جاری کیا گیا۔
حکم نامے کے مطابق نصیر اسلم وانی بدستور وزیر اعلیٰ کے سیکریٹریٹ سے اپنی ذمہ داریاں انجام دیتے رہیں گے۔ انہیں کابینہ وزیر کے مساوی سرکاری سہولیات بھی فراہم کی جائیں گی، جن میں سرکاری گاڑی، رہائش اور دیگر مراعات شامل ہیں۔
حکومتی حکم میں کہا گیا ہے کہ یہ فیصلہ نصیر اسلم وانی کی حیثیت کو باقاعدہ شکل دیتا ہے جبکہ وہ وزیر اعلیٰ کے مشیر کے طور پر اپنا موجودہ کردار برقرار رکھیں گے۔
