امت نیوز ڈیسک //
روس کے شہر اُوفا میں پیش آئے ایک افسوسناک واقعے میں چار بھارتی طلبہ سمیت متعدد افراد حملے میں زخمی ہو گئے۔ اس بات کی تصدیق ماسکو میں قائم بھارتی سفارتخانے نے کی ہے۔
سفارتخانے نے بتایا کہ وہ مقامی روسی حکام کے ساتھ مسلسل رابطے میں ہے اور قازان میں موجود بھارتی قونصل خانے کے اہلکار زخمی طلبہ کی مدد کے لیے اُوفا روانہ ہو چکے ہیں۔
بھارتی سفارتخانے نے سوشل میڈیا پلیٹ فارم ایکس پر جاری بیان میں کہا:“اُوفا میں حملے کا ایک افسوسناک واقعہ پیش آیا ہے، جس میں چار بھارتی طلبہ سمیت کئی افراد زخمی ہوئے ہیں۔”
واقعے سے متعلق مزید تفصیلات کا انتظار کیا جا رہا ہے۔
