امت نیوز ڈیسک//
سرینگر، 12 جون: انسدادِ بدعنوانی بیورو نے فائرمین اور فائرمین ڈرائیور بھرتی امتحان 2020 کے مبینہ پیپر لیک معاملے میں چار افراد کو گرفتار کر لیا ہے۔
اے سی بی کے مطابق گرفتار شدگان میں تین امیدوار اور ایک حاضر سروس فائرمین شامل ہیں۔ ان کی شناخت شمیم احمد ڈار (پلوامہ)، محمد عبد القیوم عرف وسیم (ہندواڑہ)، فیروز احمد یتو (بڈگام) اور فاروق احمد وانی (شوپیاں) کے طور پر ہوئی ہے۔
حکام کا کہنا ہے کہ ملزمان سے پوچھ گچھ جاری ہے تاکہ مبینہ پیپر لیک سازش کے دیگر کرداروں اور بھرتی گھوٹالے میں ملوث افراد کی نشاندہی کی جا سکے۔ معاملے کی مزید تحقیقات جاری ہیں۔
