امت نیوز ڈیسک //
سرینگر//مرکزی وزیر ریلوے نے کہا ہے کہ محکمہ ریلوے روزانہ 12کلو میٹر پٹری تعمیر کررہا ہے جس سے ملک بھر کے شہروں کا آپسی رابطہ مضبوط ہورہ اہے ۔وزیر اشونی ویشنو نے کہا کہ جموں کشمیر ریلوے کو ملک کی دیگر ریاستوں سے جوڑا جارہا ہے اور اگلے برس تک یہ کام مکمل ہوجائے گا۔ انہوں نے بتایا کہ اس سے وادی کشمیر کا ملک کے دیگر شہروں سے براہ راست رابطہ بڑھے گا لیکن پہلے مرحلے میں ریل دلی اور کشمیر کے درمیان چلے گی۔ ریلویز، مواصلات اور الیکٹرانکس محکمے کے مرکزی وزیر اشونی ویشنونے کہا ہے کہ ریلوے کا محکمہ روزانہ 12 کلومیٹر ریل پٹری تعمیر کر رہا ہے جبکہ اِسسے پہلے ایک دن میں صرف چار کلومیٹر ریل پٹری تعمیر کی جاتی تھی۔ انہوں نے کہا کہ آنےوالے دنوں میں 20 کلومیٹر ریل پٹری بنائی جائے گی۔ جناب اشونی ویشنو آج جے پور میںروزگار میلے میں اظہار خیال کر رہے تھے۔ انہوں نے کہا کہ وزیراعظم نریندر مودی نے ریلویزپر خاص توجہ دی ہے اور پچھلے آٹھ سال میں ریلویز میں بڑی تبدیلیاں کی گئی ہیں۔ ریلاسٹیشنوں کی تعمیرِ نو کا کام بھی شروع ہو گیا ہے۔ ملک میں 200 اسٹیشنوں کو عالمی درجےکے اسٹیشن بنایا جا رہا ہے۔ اِن میں سے بیشتر اسٹیشنوں کا ماسٹر پلان تیار کر لیا گیاہے۔ ویشنو نے یہ بھی کہا کہ ٹیلی مواصلات کے شعبے میں بھی کافیکام کیا گیا ہے۔ انہوں نے کہا کہ بھارت اپنا 4G اور5Gنیٹ ورک والا دنیا کا چھٹا ملک بن گیا ہے۔ آج کے اس پروگرام میں تینسو سے زیادہ نوجوانوں کو تقررنامے دیئے گئے۔
