امت نیوز ڈیسک //
بارہمولہ، 10 فروری/جموں و کشمیر کے لیفٹیننٹ گورنر منوج سنہا نے جمعہ کے روز کہا کہ مشہور سکی ریزورٹ گلمرگ جلد ہی سرمائی کھیلوں کے لئے بہترین مرکز بن جائے گا اوریو ٹی حکومت نے اس خواب کو پورا کرنے کے لئے ہر ممکن کوشش کی ہے۔ایل جی سنہا گلمرگ میں کھیلو انڈیا سرمائی کھیلوں کے تیسرے ایڈیشن کی افتتاحی تقریب سے خطاب کر رہے تھے۔انہوں نے کہا کہ حکومت نے جموں و کشمیر میں کھیلوں کے بنیادی ڈھانچے کو بڑھایا ہے، جس میں آنے والے وقتوں میں مزید بہتری لائی جائے گی۔ حکومت ہنر مند نوجوانوں کو مناسب پلیٹ فارم فراہم کرنے کے لیے پرعزم ہے۔ کھیلو انڈیا مقامی نوجوانوں کی صلاحیتوں کو فروغ دینے کے لیے ایک پلیٹ فارم ہے۔ جلد ہی موسم سرما کے کھیلوں کے لیے سنٹر آف ایکسی لینس بن جائے گا۔انہوں نے مشہور سکی ریزورٹ گلمرگ میں سرمائی کھیلوں کے انعقاد پر کھیلو انڈیا میگا ایونٹ کے منتظمین کو مبارکباد دی۔ انہوں نے کہا، "میں منسٹری آف یوتھ افیئرز اینڈ اسپورٹس، ہائی ایلٹی ٹیوڈ وارفیئر اسکول جواہر انسٹی ٹیوٹ آف ماؤنٹینیرنگ، جے اینڈ کے اسپورٹس کونسل اور ایونٹ سے وابستہ دیگر سمیت منتظمین کو مبارکباد پیش کرتا ہوں۔”انہوں نے کہا کہ گلمرگ برف سے ڈھکی ڈھلوانوں پر کھیلوں کی عمدہ کارکردگی کا جشن منائے گا اور 11 شعبوں میں کھلاڑیوں کی مہارت، ہمت اور کردار کے مقابلوں کا مشاہدہ کرے گا۔ ہم نے گلمرگ میں کھیلوں کے ٹورنامنٹ کو واقعی شاندار ایونٹ میں تبدیل کر دیا ہے۔”انہوں نے کہا کہ کھیلوں میں نہ صرف ایک فرد کی زندگی بلکہ پوری دنیا کو بدلنے کی وسیع صلاحیت موجود ہے۔انہوں نے کہا کہ کھیل ایک ایسا میڈیم ہے جس میں ہر چیز کو بدلنے کی صلاحیت ہے۔ اس سے کھلاڑیوں کے رویے میں کوئی تبدیلی نہیں آئے گی بلکہ دنیا کا سارا منظر نامہ بدل سکتا ہے۔
