امت نیوز ڈیسک //
سری نگر // جموں و کشمیر اپنی پارٹی نے جمعے کے روز جموں و کشمیر بھر میں انسداد تجاوزات مہم کے خلاف سڑکوں پر آکر احتجاجی مظاہر نے کئے اور الزام لگایا کہ محکمہ مال کے اہلکار غریبوں کو تنگ کر رہے ہیں۔ انہوں نے ایل جی انتظامیہ سے مطالبہ کیا کہ بلڈ زور مہم پر فوری طور پر روک لگنی چاہئے۔
اطلاعات کے مطابق جمعے کے روز سرینگر اور اننت ناگ میں اپنی پارٹی کےکارکنوں نے سڑکوں پر آکر احتجاجی مظاہرئے گئے۔ مظاہرین نے اپنے ہاتھوں میں پلے کارڈ اٹھارکھے تھے جن پر بلڈ زور مهم
روکنے کے الفاظ درج تھے۔
نامه نگاروں سے بات چیت کے دوران مظاہرین نے کہا کہ سرکار نے وعدہ کیا تھا کہ غریبوں کے ساتھ کوئی چھیڑ چھاڑ نہیں کی جائے گی لیکن محکمہ مال کے اہلکار ایل جی انتظامیہ کے حکم کو ماننے کے لئے تیار نہیں۔ انہوں نے بتایا کہ جمہوریت میں جو سر کار ہوتی ہے وہ لوگوں کی فلاح و بہبود اور خوشی کے لئے کام کرتی ہیں لیکن یہاں پر اس کے بر عکس ہو رہاہے۔
دریں اثنا جموں میں بھی اپنی پارٹی کے کارکنوں نے شاہراہ پر آکر دھرنادیااور ایل جی انتظامیہ کے خلاف نعرے بازی کی۔
