امت نیوز ڈیسک //
قومی تحقیقاتی ایجنسی (این آئی اے) نے ہفتے کے روز ضلع کپواڑہ کے کرالپورہ علاقے میں ملی ٹنٹ تنظیم حزب المجاھدین کے ایک مقتول ملی ٹنٹ کی جائیداد کو سربمہر کردیا۔
حکام کا کہنا ہے کہ بشیر احمد پیر عرف امتیاز عالم ولد مرحوم سکندر پیر کی جائیداد تحصیل کرالپورہ کے بٹ پورہ میں سربمہر کردی گئی۔
ملی ٹنٹ کمانڈر بشیر احمد پیر جو کہ گزشتہ 15 سالوں سے پاکستان میں مقیم تھا اور انہیں حال ہی میں پاکستان کے راولپنڈی میں نا معلوم بندوق برداروں نے گولی مار کر موت کی ابدی نیند سلا دیا تھا۔
