امت نیوز ڈیسک//
سری نگر، 13 اپریل: جنوبی کشمیر کے شوپیاں ضلع کے چکورا علاقے میں بدھ کو مختصر گولی باری کے بعد جنگجو سیکورٹی فورسز کو پرچی دینے میں کامیاب ہوگئے۔
ایک اعلیٰ پولیس افسر نے جی این ایس کو بتایا کہ عسکریت پسندوں اور سیکورٹی فورسز کے درمیان فائرنگ کا مختصر تبادلہ ہوا۔
جیسے ہی فائرنگ رکی، مشتبہ جگہ پر تلاشی کا عمل تیز کر دیا گیا، جہاں کوئی عسکریت پسند نہیں ملا۔ افسر نے مزید کہا کہ ہو سکتا ہے کہ وہ اندھیرے کا فائدہ اٹھا کر فرار ہو گئے ہوں۔
قبل ازیں پولیس نے ایک ٹویٹ میں شوپیاں کے چکورا علاقے میں عسکریت پسندوں اور سیکورٹی فورسز کے درمیان فائرنگ کی اطلاع دی۔
