امت نیوز ڈیسک //
کشتواڑ، 22 جنوری: کشتواڑ ضلع کے سنگھ پورہ چھاترو کے علاقے میں جاری تلاشی مہم کے دوران جمعرات کو ملی ٹنٹوں کے ساتھ دوبارہ رابطہ قائم ہوا، حکام نے بتایا۔
حکام کے مطابق سیکورٹی فورسز جنگلاتی علاقے میں محاصرہ اور تلاشی کارروائی انجام دے رہی تھیں کہ اسی دوران چھپے ہوئے ملی ٹنٹوں نے فائرنگ شروع کر دی، جس کے نتیجے میں فریقین کے درمیان گولیوں کا تبادلہ ہوا۔ یہ آپریشن گزشتہ پانچ دنوں سے جاری ہے۔
مزید کمک موقع پر روانہ کر دی گئی ہے جبکہ ملی ٹنٹوں کے فرار کے امکانات کو روکنے کے لیے علاقے کا گھیراؤ مزید سخت کر دیا گیا ہے۔ رپورٹ درج کیے جانے تک آپریشن جاری تھا۔
حکام کا کہنا ہے کہ تاحال دونوں جانب سے کسی جانی نقصان کی اطلاع نہیں ملی ہے، جبکہ ملی ٹنٹوں کی نقل و حرکت پر نظر رکھنے کے لیے ہیلی کاپٹروں کو بھی استعمال میں لایا گیا ہے۔
[کے این ٹی]
