امت نیوز ڈیسک //
میرواعظ مولوی عمر فاروق کے دلی دورے کے بعد اب ان کی سیکورٹی میں اضافہ کیا گیا ہے۔
دی ٹربیون میں شائع رپورٹ کے مطابق میرواعظ کے دورے کے بعد ان کو ملی آن لائن دھمکیوں کا جائزہ لینے کے بعد جموں کشمیر پولیس کی طرف سے ان کی سیکورٹی کو بحال کرنے کا فیصلہ لیا گیا تھا۔
رپورٹ کے مطابق سیکورٹی خطرے کا احاطہ کرنے کے بعد اب سی آر پی ایف کو ان کی سیکورٹی کو یقینی بنانے کے لئے میر واعظ کیساتھ معمور کیا گیا ہے۔
رپورٹ کے مطابق میرواعظ عمر فاروق کی طرف سے دوہفتے کے دلی دورے کے دوران ان کی طرف سے کئی تنظیموں اور علماء سے وقف تر میمی بل اور کشمیر کے حالات پر بات کی اور اس دوران انہوں نے وقف ترمیمی بل پر بنائی گئی مشترکہ پارلیمانی کمیٹی کے چیئرمین سے ملاقات کر کے اپنے تحفظات کی ایک یادداشت بھی پیش کی۔
رپورٹس میں بتایا جا رہا ہے کہ وادی کشمیر میں ان کے دورے پر مختلف حلقوں سے سامنے آئے ردعمل کے بعد ہی میر واعظ کی سیکورٹی میں اضافہ کرنے کا فیصلہ کیا گیا۔ میرواعظ کی سیکورٹی 2019 میں واپس لی گئی تھی۔
