امت نیوز ڈیسک //
نوئیڈا، 28 مارچ: وزیر اعظم مودی نے ہفتہ کے روز کہا کہ بھارت جاری مغربی ایشیا کے بحران سے پیدا ہونے والے چیلنجز کا پوری طاقت کے ساتھ مقابلہ کر رہا ہے اور حکومت شہریوں کے تحفظ اور معیشت کے استحکام کے لیے تمام ضروری اقدامات کر رہی ہے۔
وہ نوئیڈا کے جیوَر میں قائم ہونے والے نوئڈا انٹرنیشنل ائرپورٹ کے افتتاح کے موقع پر ایک عوامی اجتماع سے خطاب کر رہے تھے۔
تیل اور گیس سپلائی پر گہری نظر
وزیر اعظم نے کہا کہ مغربی ایشیا میں جاری تنازعہ کو ایک ماہ سے زائد عرصہ ہو چکا ہے اور اس کے عالمی سطح پر اثرات مرتب ہو رہے ہیں، خاص طور پر توانائی کے شعبے میں۔
انہوں نے کہا کہ چونکہ بھارت خام تیل اور گیس کے لیے اس خطے پر انحصار کرتا ہے، اس لیے حکومت صورتحال پر مسلسل نظر رکھے ہوئے ہے تاکہ اس کا بوجھ عام شہریوں اور کسانوں پر نہ پڑے۔
