امت نیوز ڈیسک //
سرینگر، 19 اپریل : سرینگر ائرپورٹ پر اتوار کے روز ایک امریکی شہری اور اس کے مقامی ساتھی کو اس وقت حراست میں لے لیا گیا جب ان کے سامان سے ایک ممنوعہ سیٹلائٹ ٹریکر برآمد ہوا۔
حکام کے مطابق یہ ڈیوائس معمول کی سکیورٹی چیکنگ کے دوران پکڑی گئی، جس کے بعد ایئرپورٹ سکیورٹی نے فوری کارروائی کرتے ہوئے دونوں افراد کو پولیس کے حوالے کر دیا۔
پولیس ذرائع نے بتایا کہ دونوں افراد سے پوچھ گچھ جاری ہے تاکہ ڈیوائس کے مقصد، اس کے ماخذ اور ممکنہ سکیورٹی خدشات کا پتہ لگایا جا سکے۔
مزید تفصیلات کا انتظار ہے کیونکہ تحقیقات جاری ہیں۔
