امت نیوز ڈیسک //
20 اپریل: اودھمپور کے قریب رام نگر روٹ پر ایک مسافر بس حادثے کا شکار ہو گئی، جس کے نتیجے میں کم از کم 12 افراد جاں بحق جبکہ متعدد زخمی ہو گئے۔
پولیس کے ایک سینئر افسر کے مطابق بس رام نگر سے اودھمپور جا رہی تھی کہ جالو علاقے کے قریب نامعلوم وجوہات کی بنا پر حادثہ پیش آیا۔
انہوں نے بتایا کہ “12 افراد موقع پر ہی دم توڑ گئے ہیں جبکہ کئی زخمیوں کو قریبی اسپتالوں میں منتقل کیا جا رہا ہے۔”
حادثے کی وجوہات تاحال سامنے نہیں آ سکیں۔
ریسکیو ٹیمیں، پولیس اور ضلعی انتظامیہ موقع پر پہنچ کر امدادی کارروائیوں میں مصروف ہیں اور زخمیوں کو نکال کر طبی امداد فراہم کی جا رہی ہے۔
ڈی آئی جی اودھمپور شیو کمار شرما بھی موقع پر پہنچ گئے ہیں اور ریسکیو آپریشن کی نگرانی کر رہے ہیں۔
