امت نیوز ڈیسک //
سنٹرل آرمڈ پولیس فورس کی واپسی کا عمل شروع کر دیا ہے جنہیں پانچ ریاستوں/مرکز کے زیر انتظام علاقوں میں پُرامن اسمبلی انتخابات کے انعقاد کے لیے بھیجا گیا تھا۔ تاہم یہ عمل مرحلہ وار مکمل ہوگا کیونکہ وزارت داخلہ نے کچھ دستوں کو مغربی بنگال میں مزید چند دنوں تک برقرار رکھنے کا فیصلہ کیا ہے۔
انتخابات کے لیے کشمیر ڈویژن سے 130 جبکہ جموں ڈویژن سے 57 کمپنیوں کو واپس بلا کر تمل ناڈو اور مغربی بنگال میں تعینات کیا گیا تھا۔
تمل ناڈو میں تعینات دستے واپس آنا شروع ہو گئے ہیں جبکہ مغربی بنگال سے تعینات فورسز بھی آئندہ چند دنوں میں واپس پہنچ جائیں گی۔ آئندہ دو ہفتوں میں تمام کمپنیاں اپنی اصل جگہوں پر تعینات کر دی جائیں گی۔
وہین ملی ٹنسی کے خلاف کارروائیوں کو مزید مؤثر بنانے کے لیے کچھ اضافی دستوں کی تعیناتی بھی متوقع ہے۔ جموں سیکٹر میں بین الاقوامی سرحد پر پہلے ہی اضافی فورسز تعینات کی جا چکی ہیں تاکہ دراندازی کو روکا جا سکے۔
مرکزی وزارت داخلہ نے ہدایت دی ہے کہ سیاحتی مقامات پر فول پروف سکیورٹی کو یقینی بنانے کے لیے متبادل وسائل جیسے ریزرو پولیس اور آرمڈ پولیس کی تعیناتی کی جائے۔
امرناتھ یاترا کے لیے اضافی نیم فوجی دستوں کی تعیناتی سے متعلق فیصلہ آئندہ چند دنوں میں کیا جائے گا۔ اس سال یہ یاترا 3 جولائی سے شروع ہو کر 28 اگست تک جاری رہے گی، جو 57 دنوں پر محیط ہوگی۔( ڈیلی ایکزیلشیر )
