سری نگر / / جموں و کشمیر نیشنل کانفرنس کے صدر فاروق عبد اللہ نے بدھ کے روز نا انصافیوں کے خلاف لڑنے کے لیے سینئر سیاسی اور قانونی رہنما کپل سبل کے نئے اعلان کر وہ پلیٹ فارم انصاف کے سپاہی کا خیر مقدم کیا اور اس کی حمایت کا اظہار کیا۔ کپل سبل ، آزاد راجیہ سبھا رکن ، نے گزشتہ ہفتے اعلان کیا تھا کہ وہ ملک میں جاری نا انصافی سے لڑنے کے لیے انصاف کے سپاہی کے نام سے ایک نیا پلیٹ فارم قائم کر رہے ہیں، اور انھوں نے وزرائے اعلیٰ اور اپوزیشن جماعتوں کے دیگر رہنماوں کی حمایت طلب کی تھی۔
ایک بیان میں فاروق نے کہا کہ ناانصافیوں کے خلاف متحد ہونے سے بہترکوئی چیز نہیں ہے۔
فاروق عبد اللہ نے سبل کے اقدام کی حمایت کا اظہار کرتے ہوئے
کہا، ” سبل صاحب ایک تجربہ کار رہنما اور تجربہ کار وکیل ہیں، جنہیں حزب اختلاف کی ایک اہم آواز سمجھا جاتا ہے ، اور اپوزیشن جماعتوں اور رہنماوں کو ساتھ لانے کی ان کی بات کا خیر مقدم کیا جانا چاہیے۔ ناانصافیوں کے خلاف متحد ہونے سے بہتر کوئی چیز نہیں ہے”۔
انہوں نے مزید کہا کہ نیشنل کانفرنس مضبوطی سے کپل سبل صاحب کے ساتھ ان کی نئی پھل میں کھڑی ہے۔ عمر عبداللہ سمیت پارٹی کا پختہ یقین ہے کہ یہ پھل نا انصافیوں سے لڑنے کے مشترکہ مقصد کے لیے اپوزیشن جماعتوں کو اکھٹا کرنے میں ایک بہترین پلیٹ فارم کے طور کام کرے گی۔
