امت نیوز ڈیسک //
جموں، 27 جنوری (کے این او): ضلع اودھم پور کے جھکانی چوک کے قریب منگل کے روز پیش آئے ایک المناک سڑک حادثے میں سی آر پی ایف کے ایک جوان سمیت کم از کم چار افراد ہلاک جبکہ کئی دیگر زخمی ہو گئے، حکام نے بتایا۔
ایک سرکاری عہدیدار نے خبر رساں ایجنسی کشمیر نیوز آبزرور (کے این او) کو بتایا کہ یہ حادثہ اُس وقت پیش آیا جب ایک بس اور ایک پک اپ گاڑی آپس میں ٹکرا گئیں، جس کے نتیجے میں چار افراد موقع پر ہی جاں بحق ہو گئے، جن میں ایک سی آر پی ایف اہلکار بھی شامل ہے۔
انہوں نے مزید بتایا کہ بس میں سی آر پی ایف کے اہلکار سفر کر رہے تھے۔ حادثے میں زخمی ہونے والے افراد کو فوری طور پر قریبی اسپتال منتقل کیا گیا جہاں ان کا علاج جاری ہے۔(کے این او)
