امت نیوز ڈیسک //
نئی دہلی: ملک بھر میں آج عید جوش و خروش سے منائی جا رہی ہے۔ اس موقع پر صدر جمہوریہ دروپدی مرمو نے عید الفطر کے موقع پر ہم وطنوں کو مبارکباد دی ہے۔ جمعہ کو راشٹرپتی بھون کی طرف سے جاری ہوئے ایک بیان میں کہا گیا ہے کہ عید رمضان کے مقدس مہینے کے اختتام کی علامت ہے۔ عید محبت اور ہمدردی کے جذبات بانٹنے کا تہوار ہے۔ یہ تہوار ہمیں اتحاد اور باہمی ہم آہنگی کا پیغام دیتا ہے۔ مرمو نے کہا، "یہ تہوار ہم آہنگی کے جذبے سے منایا جاتا ہے اور یہ تہوار ہمیں ایک پرامن اور خوشحال معاشرہ بنانے کی ترغیب دیتا ہے۔ ہم اس موقع پر معاشرے میں بھائی چارے اور ہم آہنگی کے جذبے کو فروغ دینے کا عزم کرتے ہیں۔’
وہیں وزیر اعظم نریندر مودی نے بھی ٹوئٹ کر کے عید الفطر کی مبارکباد دی۔ وزیر اعظم نے اپنے ٹویٹ میں لکھا کہ آپ سبھی کو عیدالفطر کی مبارکباد۔ انہوں نے کہا کہ ‘ہمیں اپنے معاشرے میں ہم آہنگی اور ہمدردی کے جذبے کو فروغ دینے کے لیے پرعزم ہونا چاہئے۔ میں اس موقع پر سب کی صحت اور تندرستی کے لیے بھی دعا گو ہوں۔ عید مبارک۔
کانگریس کے سابق صدر راہل گاندھی نے بھی عید کی مبارکباد دی ہے۔ انہوں نے ٹوئٹ کرتے ہوئے لکھا کہ ‘آپ سبھی کو سب کو عید مبارک! دعا ہے کہ یہ مبارک تہوار سب کے لیے امن، خوشی اور خوشحالی لائے۔ وہیں کانگریس رہنما ششی تھرور نے ٹوئٹ کرتے ہوئے عید کی مبارکباد دی ہے انہوں نے لکھا بھارت میں ان تمام لوگوں کو عید مبارک جو عید منا رہے ہیں۔
واضح رہے کہ مسلمانوں کا یہ تہوار بھائی چارے کی علامت ہے۔ اس دن لوگ امن، خوشی اور خوشحالی کے لیے دعا کرتے ہیں۔ عید کا یہ تہوار پوری دنیا میں بڑے جوش و خروش سے منایا جاتا ہے۔ ہجری کیلنڈر کی وجہ سے عید کی تاریخ ہر سال مختلف ہوتی ہے۔ یہ کیلنڈر چاند پر مبنی ہے۔ اس میں دن چاند کی بڑھتی اور گھٹتی رفتار کے حساب سے شمار کیے جاتے ہیں۔ عید الفطر کی خوشیاں رمضان المبارک کے روزے کے اختتام کے بعد اگلے روز فجر سے شام تک منائی جاتی ہے۔
