*اُدھم پور میں ڈمپر ٹرک سے ٹکرا گیا، کنڈکٹر کی موت، ڈرائیور زخمی*

امت نیوز ڈیسک//

ادھم پور، 24 اپریل: ضلع ادھم پور میں کل رات جموں سری نگر قومی شاہراہ پر دو گاڑیوں کے آپس میں ٹکرانے سے ایک کنڈکٹر کی موت ہو گئی اور ایک ڈرائیور زخمی ہو گیا۔

حکام نے خبر رساں ایجنسی کو بتایا کہ کل رات ادھم پور میں چنانی-ناشری سرنگ کے اندر ایک ڈمپر ایک ٹرک سے ٹکرا گیا۔

انہوں نے بتایا کہ واقعے میں ڈمپر کا کنڈکٹر موقع پر ہی جاں بحق ہوگیا جبکہ اس کا ڈرائیور زخمی ہوگیا۔

متوفی کی شناخت سانبہ کے بلبیر چند کے طور پر ہوئی ہے۔

دریں اثناء پولیس نے حادثے کا نوٹس لے لیا ہے۔