امت نیوز ڈیسک //
نئی دہلی: نیوزی لینڈ میں زلزلہ آنے کا سلسلہ جاری ہے۔ اسی کڑی میں ہندوستانی وقت کے مطابق آج صبح 6 بجکر 11 منٹ پر زلزلے کے جھٹکے محسوس کیے گئے ہیں۔ یہ زلزلہ نیوزی لینڈ کے جزائر کرماڈیک پر آیا جس کی شدت 7.1 تھی۔ زلزلے کا مرکز زمین کے نیچے 10 کلومیٹر کی گہرائی میں تھا۔ زلزلے کے بعد سونامی کی وارننگ جاری کر دی گئی ہے۔ اس سے قبل مارچ کے مہینہ میں بھی نیوزی لینڈ میں زلزلے کے جھٹکے محسوس کیے گئے تھے۔
امریکی جیولوجیکل سروے کے مطابق زلزلہ نیوزی لینڈ کے شمالی جزیرے سے 900 کلومیٹر شمال مشرق میں کرماڈیک جزیرے کے قریب 49 کلومیٹر کی گہرائی میں آیا۔ پیسیفک سونامی وارننگ سینٹر کے مطابق زلزلے سے ہوائی اور پیسفک ریجن کو کوئی خطرہ نہیں ہے۔ نیوزی لینڈ کی نیشنل ایمرجنسی مینجمنٹ ایجنسی نے ایک بیان میں کہا ہے کہ وہ اس بات کا تعین کرنے کی کوشش کر رہی ہے کہ آیا زلزلہ نیوزی لینڈ کو دوبارہ متاثر کر سکتا ہے۔ لوگوں کو ساحلی علاقوں سے دور رہنے کا مشورہ دیا گیا ہے۔ امریکی جیولوجیکل سروے کے مطابق، اتوار کی سہ پہر نیویارک کے کچھ حصے بھی 3.6 شدت کے معمولی زلزلے سے متاثر ہوئے۔ جانی و مالی نقصان کی کوئی خبر نہیں ہے۔
