امت نیوز ڈیسک//
کولگام، 04 مئی، جنوبی کشمیر کے کولگام ضلع کے چاولگام علاقے میں جمعرات کو ایک سڑک حادثے میں دو افراد زخمی ہوگئے۔
سی این ایس کو ملنے والی اطلاعات کے مطابق، ایک آلٹو گاڑی (JK18B 3531) چاولگام کے علاقے میں الٹ گئی جس کے نتیجے میں باپ بیٹی کی جوڑی زخمی ہو گئی۔
زخمیوں کی شناخت جاوید احمد وانی اور ان کی بیٹی میوزیکل جان ساکن کھل احمد آباد کے طور پر ہوئی ہے۔
دونوں کو ضلع اسپتال کولگام منتقل کیا گیا، جہاں سے جاوید احمد کو خصوصی علاج کے لیے بون اینڈ جوائنٹس اسپتال سری نگر ریفر کیا گیا۔
دوسری جانب پولیس نے واقعے کا نوٹس لیتے ہوئے مزید تفتیش شروع کردی ہے۔
