*
امت نیوز ڈیسک//
سری نگر، 11 مئی (یو این آئی) ایک غیر مقامی باشندہ جسے بے ہوشی کی حالت میں اسپتال منتقل کیا گیا تھا جمعرات کو ایس ایم ایچ ایس سری نگر میں انتقال کر گیا۔
ایک اہلکار نے نیوز ایجنسی – کشمیر اسکرول کو بتایا کہ پولیس نے جمعرات کی صبح مالٹانگ ڈل گیٹ سری نگر میں ایک شخص کو سڑک کے کنارے پڑا ہوا پایا۔
بعد میں اس کی شناخت ایک بھوٹان چودھری (45) ولد پرساد چودھری ساکن گاؤں نگر ضلع مغربی چمپارن بہار کے طور پر ہوئی۔
اسے تشویشناک حالت میں ایس ایم ایچ ایس سری نگر منتقل کیا گیا جہاں جمعرات کو اس کی موت ہوگئی۔
دوسری جانب پولیس نے اس حوالے سے تفتیش شروع کردی ہے۔
