امت نیوز ڈیسک //
کولگام، 03 جنوری : کولگام کے آدیگام علاقے میں بدھ کی شام ملی ٹینٹوں اور سیکورٹی فورسز کے درمیان جھڑپ شروع ہوگئی۔
ایک اعلیٰ پولیس افسر نے نیوز ایجنسی کشمیر اسکرول کو بتایا کہ پولیس اور فوج کی مشترکہ ٹیم نے آدیگام کولگام میں محاصرے اور تلاشی کی کارروائی شروع کی۔
جیسے ہی فورسز کی مشترکہ ٹیم مشتبہ مقام کی طرف پہنچی تو وہاں موجود ملی ٹینٹوں نے فورسز پر فائرنگ کردی جس سے فائرنگ کا تبادلہ شروع ہوگیا۔
دریں اثناء ایک اعلیٰ پولیس افسر نے بھی کشمیر اسکرول کو ملی ٹینٹوں اور سیکورٹی فورسز کے درمیان فائرنگ کے تبادلے کی تصدیق کی۔( کشمیر اسکرول)
