امت نیوز ڈیسک //
جموں، 15 جولائی : پولیس نے پیر کو ضلع ریاسی میں پرانی اور زنگ آلود AK-47 کی 30 گولیاں، ایک میگزین اور ایک گرینیڈ برآمد کیا ہے۔
پولیس نے جاری بیان میں کہا کہ مہور سب ڈویژن کے علاقے میں ملی ٹینٹوں کے ٹھکانے کی موجودگی سے متعلق مصدقہ اطلاع پر کارروائی کرتے ہوئے، ریاسی پولس نے محاصرے اور تلاشی کی کارروائی شروع کی تھی۔ آپریشن کی قیادت پولیس کمپوننٹ شکاری کی پولس پارٹی نے کی۔
تلاشی اور محاصرے کی کارروائی کے دوران، پولیس پارٹی نے شکاری کے علاقے دلان ٹاپ سے پرانا زنگ آلود اسلحہ اور گولہ بارود برآمد کیا۔
اس میں کہا گیا ہے کہ برآمدات میں اے کے 47 کے 30 راؤنڈ، اے کے 47 کا ایک میگزین اور ایک گرینیڈ شامل ہے۔ تفصیلات دیتے ہوئے ایس ایس پی ریاسی محترمہ موہتا شرما (آئی پی ایس) نے کہا کہ ملک دشمن عناصر کے مذموم عزائم کو ناکام بنانے کے لیے تمام ممکنہ اقدامات کیے جائیں۔ "مزید تحقیقات جاری ہیں۔” (جی این ایس)
