امت نیوز ڈیسک //
سری نگر، 04 مارچ : حکام نے بدھ کے روز اعلان کیا ہے کہ وادیٔ کشمیر کے تمام اضلاع میں جمعرات کو بھی احتیاطی پابندیاں برقرار رہیں گی۔ یہ فیصلہ ایران کے سپریم لیڈر آیت اللہ علی خامنہ ای کے انتقال کے بعد وادی کے بعض علاقوں میں ہونے والے احتجاجی مظاہروں کے پیش نظر کیا گیا ہے۔
سیکیورٹی حکام نے نیوز ایجنسی کشمیر نیوز کارنر (کے این سی) کو بتایا کہ عوامی نظم و نسق کو برقرار رکھنے اور کسی بھی ناخوشگوار واقعے سے بچنے کے لیے یہ اقدام اٹھایا گیا ہے۔
ایک سینئر سرکاری افسر کے مطابق بدھ کے روز صورتحال مجموعی طور پر پُرامن رہی، تاہم احتیاط کے طور پر جمعرات کو بھی پابندیاں جاری رکھی جائیں گی تاکہ امن و امان قائم رکھا جا سکے۔
ذرائع کا کہنا ہے کہ انتظامیہ صورتحال پر گہری نظر رکھے ہوئے ہے اور ضرورت پڑنے پر مزید مناسب اقدامات کیے جائیں گے۔ (کے این سی)
