امت نیوز ڈیسک //
سرینگر: بارہمولہ کے رکن پارلیمنٹ انجینئر رشید جمعرات کو سرینگر ائر پورٹ پہنچے اور اپنے علیل والد کی عیادت کے لیے ایس ایم ایچ ایس اسپتال گئے۔
انجینئر رشید کو دہلی ہائی کورٹ نے منگل کو ایک ہفتے کی عبوری ضمانت پر رہا کیا ہے، تاہم اس دوران ان پر کچھ پابندیاں بھی عائد رہیں گیں جس میں میڈیا سے دوری بہنائے رکھنا بھی شامل ہے۔
انجینئر رشید کے والد کئی دنوں سے اسپتال میں زیر علاج ہے اور اس وقت موت و حیات کی کشمکش میں ہے۔ ان کی علالت کو دیکھتے ہوئے کئی سرکردہ سیاسی رہنماؤں نے انسانی اور ہمدردی کی بنیاد پر رشید کو ضمانت پر رہا کیے جانے کی سفارش کی تھی۔ ڈاکٹر فاروق عبداللہ، محبوبہ مفتی، سجاد لون، الطاف بخاری کے علاوہ علیحدی پسند رہنما اور میرواعظ کشمیر مولوی عمر فاروق نے بھی انجینئررشید کو رہا کیے جانے کی اپیل کی تھی۔
