امت نیوز ڈیسک //
سری نگر، 10 جون: شمالی کشمیر کے اُڑی سیکٹر کے کمال کوٹ علاقے میں لائن آف کنٹرول (ایل او سی) کے قریب ایک حادثاتی دھماکے میں بھارتی فوج کے دو جوان جاں بحق ہوگئے۔
سرکاری ذرائع کے مطابق دھماکے میں شدید زخمی ہونے والے دونوں اہلکاروں کو فوری طور پر علاج کے لیے 92 بیس اسپتال بادامی باغ، سری نگر منتقل کیا گیا، تاہم وہ زخموں کی تاب نہ لاتے ہوئے دم توڑ گئے۔
جاں بحق اہلکاروں کی شناخت چاون وکرم بالاکرشنا، ساکن ایروولی، مہاراشٹر، اور ارجن جادھو راجیندر، ساکن شاہ پور، تعلقہ کراڈ، ضلع ستارا، مہاراشٹر کے طور پر ہوئی ہے۔
واقعے کی مزید تفصیلات کا انتظار ہے۔ (جی این ایس)
