امت نیوز ڈیسک //
شوپیاں: جنوبی کشمیر کے ضلع شوپیاں کے چنا پورہ علاقے میں جاری انسدادِ ملی ٹنسی آپریشن کے دوران سکیورٹی فورسز نے جھڑپ کے مقام کے قریب سے ایک نامعلوم شخص کی لاش برآمد کی ہے۔
پولیس حکام کے مطابق آپریشن کے دوران تازہ فائرنگ کی آوازیں سنائی دیں، جس کے بعد علاقے میں تلاشی مزید تیز کر دی گئی۔ تلاشی کے دوران ایک لاش برآمد ہوئی، جبکہ کچھ فاصلے پر اسلحہ اور گولہ بارود بھی دیکھا گیا ہے۔
حکام کا کہنا ہے کہ جاں بحق شخص کی شناخت کی جا رہی ہے اور پورے علاقے میں تلاشی و سرچ آپریشن بدستور جاری ہے۔
واضح رہے کہ یہ انسدادِ ملی ٹنسی آپریشن چار روز قبل ملی ٹینٹوں کی موجودگی سے متعلق خفیہ اطلاع ملنے کے بعد سکیورٹی فورسز کی مشترکہ ٹیم نے شروع کیا تھا۔
