امت نیوز ڈیسک //
سرینگر، 25 جولائی : مرکزی وزیرِ دفاع راج ناتھ سنگھ ہفتہ کے روز سرینگر پہنچ گئے، جہاں وہ جموں و کشمیر کی مجموعی سیکیورٹی صورتحال اور فوجی تیاریوں کا جائزہ لیں گے۔
سرکاری ذرائع کے مطابق وزیرِ دفاع کا سرینگر ہوائی اڈے پر سینئر سول، پولیس اور فوجی حکام نے استقبال کیا۔ اپنے دورے کے دوران وہ اعلیٰ فوجی کمانڈروں اور سیکیورٹی حکام کے ساتھ اہم اجلاس کریں گے، جن میں سرحدی انتظام، انسدادِ ملی ٹنسی کارروائیوں اور مجموعی امن و امان کی صورتحال پر تبادلۂ خیال کیا جائے گا۔
ذرائع کا کہنا ہے کہ راج ناتھ سنگھ فوجی جوانوں سے بھی ملاقات کریں گے اور مختلف آپریشنل و تزویراتی معاملات کا جائزہ لیں گے۔ ان کا یہ دورہ ایسے وقت میں ہو رہا ہے جب خطے میں سیکیورٹی پر خصوصی توجہ دی جا رہی ہے۔
وزیرِ دفاع کی دیگر مصروفیات سے متعلق مزید تفصیلات کا انتظار ہے۔
