امت نیوز ڈیسک //
جموں // اتر پردیش میں میرٹھ کے دور الاعلاقے میں جمعہ کو کولڈ اسٹوریج پلانٹ میں کمپریسر پھٹنے سے جموں و کشمیر کے کم از کم سات مزدوروں کی موت ہو گئی ہے۔سرکاری ذرائع نے بتایا کہ دھماکہ جمعہ کی دوپہر کے وقت ہوا اور اس جگہ پر اس وقت کم از کم 25 کار کن موجود تھے۔ انہوں نے کہا کہ ان میں سے کچھ کو بحفاظت نکال لیا گیا ہے جبکہ مرنے والوں میں سے 7 کا تعلق جموں و کشمیر سے ہے۔ متوفین کی شناخت بلونت، بلدیو، بلبیر سنگھ ،ست پال، رمیش لال، کالو ، سکنہ ضلع ادھم پور اور ہوشیار سنگھ سکنہ سمبر رام بن کے طور پر کی گئی ہے۔ دریں اثناء مرکزی وزیر ڈاکٹر جتیندر سنگھ نے حادثے پر افسوس کا اظہار کیا اور کہا کہ متاثرہ خاندانوں کو ہر ممکن مددفراہم کی جارہی ہے۔
