بارہمولہ، 05 اپریل: شمالی کشمیر کے بارہمولہ ضلع میں گزشتہ سال 17 مئی کو ایک شراب کی دکان پر گرینیڈ پھینکنے کے واقعہ میں ملوث دو جنگجو پولیس کی حراست سے فرار ہو گئے ہیں. ایک اہلکار نے خبر رساں ایجنسی کو بتایا کہ لشکر طیبہ کے دو عسکریت پسندوں کی شناخت معروف نذیر اور شاہد شوکت کے طور پر کی گئی، جنہیں گزشتہ سال 19 مئی کو گرفتار کیا گیا تھا، آج صبح بارہمولہ پولیس اسٹیشن سے فرار ہو گئے۔ انہوں نے کہا کہ واقعہ کے بعد سیکورٹی فورسز نے ان کی گرفتاری کے لئے بڑے پیمانے پر تلاشی مہم شروع کر دی ہے۔ اہلکار نے بتایا کہ عسکریت پسند پولیس اسٹیشن بارہمولہ میں درج تھے اور سحری کے وقت فرار ہوگئے۔ انہوں نے کہا کہ اس سلسلے میں مقدمہ درج کر لیا گیا ہے اور ان کی گرفتاری کی کوششیں جاری ہیں۔
