امت نیوز ڈیسک//
کولگام، 15-مئی، ضلع کولگام میں مشن لائف مہم کے تسلسل میں آلودگی کنٹرول کمیٹی کولگام کے دفتر کے احاطے میں ایک عہد سازی کی تقریب کا انعقاد کیا گیا۔
اس موقع پر پی سی سی کولگام، محکمہ جنگلات (ٹی)، فارسٹ پروٹیکشن فورس اور میونسپل کونسل کولگام نے شرکت کی۔
گھنٹہ گھر کولگام تک ایک ریلی نکالی گئی اور مقامی لوگوں میں پولی تھین/پلاسٹک کے استعمال اور اس کے مضر اثرات سے متعلق آگاہی مہم چلائی گئی۔
دریں اثنا، ضلع اسپتال کولگام کے احاطے میں صفائی مہم چلائی گئی اور متعلقہ اتھارٹی کو ماحول کے تحفظ کے لیے اسپتال کے احاطے کی صفائی سے آگاہ کیا گیا۔
