امت نیوز ڈیسک//
جموں، 30 مئی: جموں ضلع کے جھجر کوٹلی علاقے کے قریب منگل کی صبح ایک بس کے گہری کھائی میں گرنے سے کم از کم سات افراد ہلاک ہو گئے۔
ایک اہلکار نے خبر رساں ایجنسی کو بتایا کہ امرتسر سے کٹرا جاتے ہوئے ایک بس (UP81CT-3537) جھجر کوٹلی کے قریب گہری کھائی میں گر گئی۔
انہوں نے کہا کہ "سات افراد موقع پر ہی دم توڑ گئے جبکہ 16 دیگر زخمی ہیں،” انہوں نے مزید کہا کہ چار شدید زخمیوں کو گورنمنٹ میڈیکل کالج اور ہسپتال منتقل کیا گیا ہے اور 12 دیگر مقامی پی ایچ سی میں زیر علاج ہیں۔
