امت نیوز ڈیسک //
نیشنل ٹیسٹنگ ایجنسی (این ٹی اے) نے منگل کے روز NEET UG 2023 کے نتائج کا اعلان کیا ہے، جس میں جموں و کشمیر سے 20564 امیدواروں نے کامیابی حاصل کر لی۔
جموں و کشمیر پریس سروس کے موصولہ تفصیلات کے مطابق قومی اہلیت و داخلہ ٹیسٹ یوجی 2023 میں ملک بھر سے 20 لاکھ 38 ہزار 596 امیدواروں نے شرکت کی جن میں سے 11 لاکھ 45 ہزار 976 نے امتحان پاس کیا۔
جاری کردہ بیان کے مطابق جموں و کشمیر میں 36 ہزار 431 امیدواروں نے امتحانات میں شرکت کی جن میں سے 20 ہزار 5 سو 64 امیدواروں نے کامیابی حاصل کی جن میں جنوبی کشمیر کے ضلع پلوامہ سے تعلق رکھنے والے عبد الباسط نے آل انڈیا رینکنگ میں 113 واں مقام حاصل کرتے ہوئے جموں و کشمیر میں پہلی پوزیشن حاصل کی۔
