امت نیوز ڈیسک //
سرینگر: پیپلز ڈیموکریٹک پارٹی نے دفعہ 370 کی منسوخی کی پانچویں برس پر جموں کشمیر انتظامیہ سے مطالبہ کیا کی ہے کہ ان کو 5 اگست کو سرینگر میں جموں و کشمیر کی خصوصی حیثیت کی منسوخی کے خلاف ریلی اور اجلاس منعقد کرنے کی اجازت دی جائے۔اس ضمن میں پارٹی نے ضلع مجسٹریٹ سرینگر محمد اعجاز اسد کو تحریرا لکھا ہے کہ پانچ اگست کو ان کو لالچوک کے شیر کشمیر پارک میں ریلی منعقد کرنی کی اجازت دی جائے۔
پی ڈی پی کے لیڈر اقبال ترمبو نے پریس کانفرنس میں کہا کہ پانچ اگست کو دفعہ 370 کی منسوخی کی حمایت میں بی جے پی سرینگر میں ریلی اور دیگر تقریبات کا انعقاد کر رہی ہے جو ان کا آئینی اور جمہوری حق ہے۔
اقبال ترمبو نے بتایا کہ اگر بی جے پی کو دفعہ 370 کی منسوخی پر جشن منانے کی اجازت دی گئی ہے تو ان کو بھی امید ہے کہ سرینگر انتظامیہ پی ڈی پی کو بھی اسی روز اس معاملے پر اپنی رائے ظاہر کرنے کی اجازت دی جائے گی۔
یاد رہے کہ دفعہ 370 کی منسوخی کا پانچویں برس 5 اگست 2023 کو ہے جس روز بی جے پی نے سرینگر میں جشن منانے کے پروگرام رکھے ہے۔یہ دفعہ 5 اگست 2019 کو منسوخ کیا گیا تھا اور سابق ریاست جموں کشمیر کو دو یونین ٹریٹریز میں تبدیل کیا گیا۔
قابل ذکر ہے کہ پانچ اگست سے ایک روز قبل وادی کے تمام سرکردہ سیاسی جماعتوں کے لیڈران کو جیل بھیج دیا گیا یا نظر بند کیا گیا جبکہ کشمیر میں کئی ماہ تک کرفیو نافذ رہا۔ کشمیر میں سیکورٹی فورسز کی بڑی تعداد میں تعیناتی رہی اور انٹرنیٹ سمیت فون سروس کو کئی ماہ تک معطل کر دیا گیا تھا۔
اقبال ترمبو نے کہا کہ جو دوسری ہم خیال سیاسی جماعتیں ہیں ان کو بھی پانچ اگست کو پی ڈی پی کے ساتھ مل کر اس معاملے پر اپنے خیالات رکھنے چاہئے۔
