سری نگر 03 اگست : کشمیر زون کے ایڈیشنل ڈائریکٹر جنرل آف پولیس وجے کمار نے جمعرات کو کہا کہ 29 جولائی سے لاپتہ فوجی اہلکار کو کولگام پولیس نے بازیاب کر لیا ہے۔
کشمیر زون پولیس نے ایک ٹویٹ کیا کہ "لاپتہ فوجی جوان کو کولگام پولیس نے بازیاب کر لیا ہے۔ میڈیکل چیک اپ کے بعد جلد ہی مشترکہ پوچھ گچھ شروع ہو جائے گی۔ مزید تفصیلات آگے آئیں گی۔
واضح رہے 29 جولائی کو جاوید احمد وانی فوجی اہلکار گھر سے بازار کی جانب سامان لانے گیا تھا لیکن پھر واپس نہیں آیا جبکہ اسکی گاڑی میں خون کے دھبے بھی پائے گئے تھے۔ اور تب سے پولیس اور فوج جاوید کی تلاش میں لگی ہوئی تھی ۔
