امت نیوز ڈیسک //
سرینگر:وزارت داخلہ نے سرینگر ضلع کے شیر گڑی پولیس تھانے کو ملک کے تین بہترین پولیس تھانوں میں شمار کیا ہے۔ اس طرح یہ شہر سرینگر کا ایک ایسا پولیس تھانہ بن گیا ہے، جو کہ ملک کے تین بہترین تھانوں میں ایک کے طور منتخب کیا گیا۔
جوائنٹ ڈائریکٹر اور کانفرنس سیکرٹری انٹیلی جنس بیورو ،وزارت داخلہ حکومت ہند نے انسپکٹر پولیس جنرل آف پولیس کشمیر زون سرینگر کو مطالع کیا ہے کہ ضلع سرینگر کا پولیس تھانہ شہر گڑی کو سال 2023 کے لیے ایڈمنسٹریٹو آفیسر کی جانب سے ملک کے بہترین پولیس تھانوں میں منتخب کیا گیا ہے۔
ایسے میں کشمیر زون کے آئی جی وی کے بردی نے اس موقعے پر خوشی کا اظہار کرتے ہوئے کہا کہ یہ جموں وکشمیر پولیس محکمہ کے لیے فخر کی بات ہے کہ شیر گڑی تھانہ بہترین تھانوں میں شامل ہوا ہے۔
انہوں نے کہا کہ یہ کوئی آسان بات بھی نہیں کہ ملک کے بہترین تھانوں میں اس طرح اپنا مقام بنانا ۔یہ تھبی ممکن ہوا ہے جب شہر گڑی تھانہ طے شدہ تمام پیرامیٹرز پر کھڑا اترا۔
انہوں نے امید کا اظہار کیا کہ جموں وکشمیر کے باقی تھانے بھی اسی جزبے اور طرز پر اپنے کام کاج کو بہتر بنا کر اپنا نام روشن کریں گے۔قابل ذکر ہے کہ مرکزی وزرات داخلہ امت شاہ 2024 کو راجستھان انٹر نیشنل سینٹر جے پور میں ایک تقریب میں متعلقہ تھانوں کے ایس ایچ او ٹرافی سے نوازے گے۔
