امت نیوز ڈیسک //
سری نگر :بارہمولہ پولیس نے ایس ایس پی کی سربراہی میں مجسٹریٹ کی موجودگی میں لاسی پورہ پلوامہ میں کروڑوں روپیے مالیت کی ضبط شدہ ممنوعہ مواد اور منشیات کی بھاری مقدار کو تباہ کیا۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا: ‘ضلع سطحی ڈرگ ڈسپوزل کمیٹی بارہمولہ نے آج ایس ایس پی امود ناگپورے کی سربراہی میں این ڈی پی ایس ایکٹ کے سیکشن 52 کے تحت ضبط شدہ ممنوعہ مواد اور منشیات کی بھاری مقدار کو تباہ کیا۔
انہوں نے کہا کہ اوڑی، بونیار، پٹن، کریری، کنزر اور ٹنگمرگ پولیس اسٹیشنوں میں درج 27 کیسوں میں ضبط شدہ ممنوعہ اشیا کو تباہ کر دیا گیا۔
ان کا کہنا تھا: ‘ضبط شدہ اشیا میں 6.303 کلو ہیرائن،63.413 کلو پوست کا بھوسا،207 گرام گانجا، 652 گرام بھنگ، 600 گرام بھنگ پائوڈر، 3.950 کلو بھنگ بوسہ، 953 گرام چرس،1.120 کلو چرس پائوڈر اور 127 گرام فکی شامل ہے’۔
بیان کے مطابق یہ کارروائی ڈی ایس پی ڈی اے آر ڈی پی ایل بارہمولہ، ڈی ایس پی اے این ٹی ایف کشمیر، ڈی ایس پی سی آئی ڈی سی آئی پلوامہ، ایگیزکیٹو مجسٹریٹ کنزر وغیرہ کی سربراہی والی ایک کمیٹی کی موجودگی میں کشمیر ہیلتھ کیئر سسٹم لاسی پورہ پلوامہ میں انجام دی گئی۔
