امت نیوز ڈیسک //
جموں، 21 جولائی: راجوری ضلع میں اتوار کو ایک گاڑی کے الٹ جانے سے کم از کم دو افراد ہلاک اور چھ دیگر زخمی ہو گئے، جن میں سے چار ایک ہی خاندان کے تھے۔
سرکاری ذرائع نے جی این ایس کو بتایا کہ ایک ایکو وین (JK11G-7794) آج صبح ٹھنڈیکسی سے لام کی طرف جارہی تھی چالان ٹھنڈیکسی کے قریب حادثہ کا شکار ہوگئی، جس کے نتیجے میں ڈرائیور ارون کمار ولد ہیمراج ساکن لام اور محمد دین ولد فقیر کی موت ہوگئی۔
لائن آف کنٹرول کے قریب ہونے والے اس حادثے میں گاڑی میں سوار چھ دیگر افراد زخمی بھی ہوئے۔ زخمیوں کی شناخت عاطف اسلم ولد محمد اسلم، زرینہ زوجہ محمد اکرم، محمد اسلم ولد محمد دین، اس کی اہلیہ شاہدہ، بیٹی آسیہ صدیقہ اور بیٹا رضا کے نام سے ہوئی ہے جو تمام باغلہ کے رہائشی ہیں۔
ڈاکٹر اقبال بی ایم او نوشہرہ نے جی این ایس کو بتایا کہ چھ افراد کو اسپتال میں داخل کرایا گیا ہے۔ ایک پولیس اہلکار نے جی این ایس کو بتایا کہ مقدمہ درج کر لیا گیا ہے اور مزید تحقیقات شروع کر دی گئی ہیں۔ (جی این ایس)
