امت نیوز ڈیسک //
ڈوڈہ، 14 اگست: ڈوڈہ کے اسار علاقے میں بدھ کو ملی ٹینٹوں اور سیکورٹی فورسز کے درمیان تصادم کے دوران ایک فوجی اہلکار زخمی ہوا، فوج نے یہاں بتایا۔
ایکس پر ایک پوسٹ میں، وائٹ نائٹ کور، نیوز ایجنسی – کشمیر نیوز آبزرور (کے این او) کے مطابق، کہا گیا ہے کہ شدید فائرنگ کے درمیان ملی ٹینٹوں کی تلاش جاری ہے۔ اس میں کہا گیا ہے کہ تلاشی پارٹی کی قیادت کرتے ہوئے ایک اہلکار زخمی ہوا ہے، جب کہ کارروائیوں کے دوران جنگی سازوسامان برآمد کیا گیا ہے ۔
قبل ازیں سیکورٹی فورسز نے کہا کہ انکاؤنٹر کے مقام سے ایک ایم 4 کاربائن رائفل اور تین بیگ برآمد ہوئے ہیں۔ علاقے کو گھیرے میں لے کر تلاشی کی کارروائی جاری ہے جبکہ مزید فورسز کو علاقے کی جانب روانہ کر دیا گیا ہے۔ ڈوڈہ ضلع اور ملحقہ پٹنی ٹاپ اور بٹوٹ علاقوں میں سیکورٹی بڑھا دی گئی ہے۔ بٹوٹ-کشتواڑ ہائی وے ہائی الرٹ پر ہے اور نقل و حرکت پر نظر رکھنے کے لیے کئی جگہوں پر سیکورٹی چیک پوائنٹس قائم کیے گئے ہیں ۔
