امت نیوز ڈیسک //
پونچھ، 29 اگست: وادی کشمیر کے شوپیاں ضلع کو راجوری اور پونچھ کے جڑواں اضلاع سے جوڑنے والے مغل روڈ پر جمعرات کو ایک حادثے میں ایک شخص کی موت ہو گئی اور آٹھ دیگر زخمی ہو گئے۔
انہوں نے بتایا کہ ایک ایکو کار آج صبح چندی مارہ کے قریب حادثے کا شکار ہوگئی، جس کے نتیجے میں ایک شخص کی موت ہوگئی اور آٹھ دیگر زخمی ہوگئے۔ زخمیوں کو سب ڈسٹرکٹ اسپتال سورنکوٹ منتقل کیا گیا جہاں سے تین شدید زخمیوں کو جدید علاج کے لیے جی ایم سی راجوری ریفر کیا گیا۔ ان کی شناخت 23 سالہ لال حسین ولد خدام حسین، 18 سالہ شاہد احمد ولد عبدالحق اور طارق (ڈرائیور) ولد محمد رشید کے نام سے ہوئی ہے۔
مرنے والوں کی شناخت یاسر احمد ولد منظور احمد کے نام سے ہوئی ہے اور ایس ڈی ایچ سورنکوٹ میں زیر علاج افراد میں 23 سالہ ظفر اقبال، 25 سالہ شہنواز احمد، 22 سالہ نثار احمد، 24 سالہ مقصود احمد اور مختار احمد، تمام مرہوٹ گاؤں کے رہنے والے شامل ہیں۔ اس کی تصدیق کرتے ہوئے ایک پولیس اہلکار نے جی این ایس کو بتایا کہ اس سلسلے میں ایک کیس درج کیا گیا ہے۔ (جی این ایس)
