امت نیوز ڈیسک //
سری نگر،: جموں و کشمیر کے چیف الیکٹورل آفیسر، پی کے پولے نے پرنسپل سیکریٹری الیکشن کمیشن آف انڈیا پرمود کمار شرما، اسپیشل سیکریٹری منظور احمد بٹ اور جوائنٹ سی ای او انیل سالگوترا کے ہمراہ جمعرات کو راج بھون سرینگر میں لیفٹیننٹ گورنر منوج سنہا سے ملاقات کی۔
جاری کردہ ایک بیان میں، عہدیداروں نے جموں و کشمیر قانون ساز اسمبلی کے لیے نو منتخب اراکین کے ناموں کی فہرست پیش کی۔
بیان میں کہا گیا ہے کہ ایل جی نے سی ای او جے اینڈ کے پی کے پول کو انتخابی عمل کی کامیاب تکمیل پر مبارکباد دی۔
انہوں نے پرامن، شفاف، آزادانہ اور منصفانہ انتخابات کو کامیابی کے ساتھ مکمل کرنے کے لیے انتخابی عملے، جموں و کشمیر پولیس اور سیکورٹی فورسز کی کوششوں کی بھی تعریف کی۔
