امت نیوز ڈیسک //
بیروہ، 30 جنوری : وسطی کشمیر کے ضلع بڈگام کے قصبہ بیروہ میں جمعہ کے روز ایک مسافر بس دکان سے ٹکرا گئی، تاہم خوش قسمتی سے کوئی جانی نقصان نہیں ہوا۔
تفصیلات کے مطابق حادثہ اس وقت پیش آیا جب بس ڈرائیور گاڑی پر قابو کھو بیٹھا۔ بے قابو بس سڑک کنارے واقع ایک دکان میں جا گھسی، جس کے نتیجے میں دکان کے شٹر، سائن بورڈز اور دیوار کو جزوی نقصان پہنچا۔
مقامی لوگوں کا کہنا ہے کہ حادثے میں کوئی شخص زخمی نہیں ہوا، تاہم دکان کو مادی نقصان پہنچا ہے۔ ایک مقامی شخص نے بتایا کہ یہ واقعہ ڈرائیور کی لاپرواہی کے باعث پیش آیا۔ (کے این ٹی)
