امت نیوز ڈیسک //
بانڈی پورہ، 03 نومبر: شمالی کشمیر کے بانڈی پورہ ضلع کے حاجن کے بنیاری علاقے میں اتوار کی شام ایک سڑک حادثے میں بہنوں کے درمیان اکلوتے بھائی کی موت ہو گئی۔
ایک اہلکار نے نیوز ایجنسی – کشمیر نیوز آبزرور کو بتایا کہ بنیاری شرکی میں ایک 12 سالہ شہزاد احمد ولد جاوید احمد ڈار ٹریکٹر کی زد میں آکر جاں بحق ہوگیا۔
متوفی 6 بہنوں میں اکلوتا بھائی تھا، اس کے انتقال سے پورے گاؤں میں غم کی لہر دوڑ گئی ۔
دریں اثنا، پولیس کی ایک پارٹی جائے حادثہ پر پہنچ گئی ہے تاکہ حادثے کے بارے میں تفصیلات اکٹھی کی جا سکیں اور تحقیقات کا آغاز کر دیا ہے۔(کے این او )
