امت نیوز ڈیسک //
جموں، 4 نومبر، ڈوڈہ ضلع کے کھیلانی نالہ کے قریب کل دیر شام ایک سڑک حادثے میں دو افراد ہلاک ہو گئے۔
عہدیداروں نے جی این ایس کو بتایا کہ ایک اسکارپیو کار جس کا رجسٹریشن نمبر JK21G-7500 تھا وہ کھیلانی نالہ کے قریب اپنا کنٹرول کھو بیٹھی اور کھائی میں جا گری ،اس دوران گاڑی میں سوار دو افراد موقع پر ہی ازجان ہوگئے۔ انہوں نے بتایا کہ ان کی شناخت مکیش کمار (29) اور پون کمار (24) ولد مرحوم لال چند کے طور پر ہوئی ہے، دونوں براتھا کھیلانی کے رہنے والے ہیں۔
انہوں نے بتایا کہ لاشوں کو طبی قانونی کارروائیوں کے لیے جی ایم سی ڈوڈا منتقل کر دیا گیا ہے۔(جی این ایس )
