امت نیوز ڈیسک //
جموں: بی جے پی کارکنوں نے جمعرات کو یہاں رکن اسمبلی وکرم رندھا وا کی قیادت میں موجودہ جموں وکشمیر سرکار کے خلاف احتجاج درج کیا۔احتجاجی ‘جموں کے ساتھ بھید بھائو نہیں چلے گا نہیں چلے گا’ کے نعرے لگا رہے تھے۔
اس موقع پر موصوف رکن اسمبلی نے میڈیا کو بتایا: ‘عمر عبداللہ کی نیت میں کھوٹ میں ہے یہ اسمبلی میں منظور کئے جانے والے اس بے بنیاد قرار داد سے معلوم ہوا تھا کہ وہ کشمیر سے مخصوص سیاست کرنا چاہتے ہیں’۔
انہوں نے کہا: ‘پبلک سروس کمیشن کو بارہ نومبر کو لیکچررز پوسٹوں کی سفارش کی گئی اور ان 575 پوسٹوں میں سے ایک بھی پوسٹ ہندی کا نہیں ہے’۔ان کا کہنا تھا: ‘ان میں پنجابی کی صرف ایک پوسٹ جبکہ ڈوگری کی تین پوسٹس ہیں’۔
رکن اسمبلی نے مطالبہ کیا کہ ہندی کے لئے دو سو جبکہ پنجابی اور ڈوگری کے لئے بیس بیس پوسٹ ہونے چاہئے۔انہوں نے کہا کہ جب بھی جموں کے ساتھ بھید بھائو کیا جائے گا ہم سڑکوں پر آئیں گے۔
