امت نیوز ڈیسک //
سری نگر، 18 اپریل: جنوبی کشمیر کے شوپیاں ضلع کے آلو پورہ کے پنڈت کالونی علاقے میں جمعہ کو سیمنٹ کا مکسچر کیریئر اوپر گرنے سے ایک مزدور کی موت ہو گئی جبکہ دو دیگر زخمی ہو گئے۔
عہدیداروں نے جی این ایس کو بتایا کہ ایک نئی ڈبل منزلہ عمارت پر تعمیراتی کام کے دوران پنڈت کالونی میں کچھ مزدوروں کے اوپر سیمنٹ کا مکسچر کیریئر فرش سے نیچے گر گیا۔
اس واقعے میں ایک مزدور جاں بحق جبکہ دو زخمی ہو گئے۔ زخمیوں کو علاج کے لیے ضلع اسپتال پلوامہ منتقل کیا گیا۔
دریں اثنا، پولیس نے واقعے کا نوٹس لے لیا ہے۔(جی این ایس )
